Ola, seareiros e lechuzas!
Con moitísima ilusión e un gran orgullo vos anunciamos algo no que levamos tempo traballando: xa está en liña a nosa nova páxina web oficial!
Despois de moito esforzo e dedicación, por fin temos un espazo propio na rede. Unha sede virtual para toda a familia celeste que forma a nosa peña, un punto de encontro para centralizar a nosa actividade, compartir a nosa paixón e estar máis preto de todos vós.
Que poderedes atopar na nosa web?
Nesta primeira versión, deseñamos un espazo sinxelo e directo con todo o que precisades:
- 📰 Últimas Novas: O día a día da peña e toda a actualidade relevante do noso Celta para que non perdas detalle de nada.
- 🦉 A Peña: A nosa historia, os nosos valores e quen somos. O corazón e a alma de Lechuzas Celestes!
- 🛒 Lechu-Tenda: O noso recuncho exclusivo para facerse co merchandising oficial da peña. Viste as nosas cores con orgullo!
- ➕ Únete a Le-Chuzas: Queres ser un máis nesta familia? Nesta sección atoparás o formulario para inscribirte directamente como novo socio ou para renovar a túa praza cando sexa a tempada. Máis doado, imposible!
- 📧 Contacto: A vía máis directa para falar con nós, resolver dúbidas, enviar suxestións ou propoñer ideas.
Isto é só o comezo! Iremos facendo seccións novas co paso do tempo, así que estade atentos ás futuras novidades que iremos engadindo.
Convidámosvos a todos a navegar por ela, a explorar cada recuncho e, sobre todo, a que a sintades vosa.
Grazas a todos os que fixestes posible este proxecto! Agora, a difundila!
Unha forte aperta, moita saúde e Hala Celta!
A Directiva da Peña Lechuzas Celestes